|
| 早幾日, 收到agent 既通知, "Peter" 仔請左我喇 心裡既開心又忐忑 好期待又好驚面對新環境, 新人事關係.. 新公司係跑私佣, 一向聽人講跑私佣既人 "無惡不作", 個個好似 "宮心計" 咁 同事都係好有經驗既人....個個食鹽多過你食飯... 面對我呢個中層上司, 好驚融入唔到佢地, 或者會被佢地排斥..... 雖然我一直對自己做人處事都幾有信心, 但今次真係好驚.... 同上司resign 左幾日, 今日OM 姐姐最終同我 "傾計" 傾左足足兩個鐘!!!! 講盡一切一切去務求令我留低.....升職, 加人工....前途發展......公司點樣錫我, 幫我....... 又講 "Peter" 仔幾咁恐怖, d 人幾咁衰....... 無錯, 真係令我動搖..... 依家好混亂, 好想冷靜下, 仍好想有人俾到意見我..... 我前面既路應該點行...... | | |
| 十九 林一峰
午飯前相聚 放學到公園去
喜愛狂追逐 同學笑我們登對
創世界之最 疼你永不減退
約定十九歲 可以到白頭 到老年去
搭膊頭 手牽手 愛字最怕說出口
信天長地久 別說曾經擁有
* 也許有天 一切都要變
身邊一切都要變
你我不見 總會發現
你在我背面 常在我心裡面
也許有天 一切都要變
身邊一切都會變
你我不見 街裡 碰面
會令誰突發心軟
改天再遇見 (不想繼續變)＊
一切繼續變 你活在我心裡面
有試過恐懼 要如何親你的嘴
有試過恐懼 有一天你離開我
別要我面對 連偶像都引退
告別十九歲 世界總要我面對
Repeat *
我會不要臉 走到你面前
像一切 從未變
| | |
| 好耐都冇寫過, 甚至開都冇開過xanga 但係擒日, 當我同陳卓基傾返兩個人初初一齊既事跡時, 發覺原來佢仲好記憶過我..好多好多 有好多有關我同佢既事, 我都開始唔記得 包括幾時第一次因咩事嗌交, 大家送俾大家第一份禮物係咩....... 但估唔到佢有好多都仲記得好清楚.... 當時我即刻諗起要睇返d xanga, 搵返d 記憶 所以, 我會由今日起, 再次寫返xanga~ 記低生活既一點一滴...... | | |
| 我好開心呀~~~我得左喇~~ 我參加左個全港服務性行業既比賽, 我入左final 呀!!!!!!!!!! 上年我都有參加呢個比賽, 但只入到2nd round 可以入final, 係我呢兩年其中一個最大既夢想~~ 我終於做到喇~其實可以入final 已經可以話係winner 我開心既係, 呢個比賽所有參加者都超專業 個比賽分好多個cat. , 有飲食, 時裝, 珠寶, 百貨公司, 專門店...... 而我個cat. 既參加者歷年來都係咁多個cat. 中最高分, 平均表現最強既 我今年都唔敢奢望自己可以成功..... 因為, 呢個比賽既對手真係好強, 自問自己又未夠班......... 我都係一直盡力而為.....今次入到final , 我可以真正同自己講, 我原來真係得既!!! 我既努力係冇白費嫁~ 21/10 就會係決賽喇, 到個日大家就可以係各大報紙睇到我喇~ 祝我好運啦~ | | |
| 今年生日, 陳卓基同我去Disneyland 個日雖然好熱好熱, 但我都好開心, 好enjoy ~* 初頭見今年生日冇咩人約, 仲好唔開心, 以為人愈大同朋友關係真係愈難維繫 但係, 原來發覺自己真係好傻, 身邊原來真係好多好多人錫我 收到好多好多SMS, message , 電話........好多仲係意想不到既....... 真係好開心好感動 多謝你地呀!!!!!!!!!!!!!!!!!!!!!!!!!!!!!!!!!! | | |
|
